MOLAOKAKANYWA
Go fetola Molao wa Bosetšhaba wa Ditirelo tša Dilaporatori tša Maphelo, 2001, (Molao No. 37 wa 2000), go kgonegiša dikgetho tša phenšene go badiredi ba mekgatlo yeo legatong la yona go yo bewago Tirelo ya Bosetšhaba ya Dilaporatori tša Maphelo.
O BEILWE GO BA MOLAO ke Palamente ya Rephaboliki ya Afrika Borwa, ka mo go latelago:
Tlaleletšo ya ntlha 8 go Šetulo go Molao 37 wa 2001
Ntlha yeo e latelago e tlaleletšwa go šetulo go Molao 37 wa 2001 morago ga ntlha 7:
Modiredi yoo a akantšwego ka go ntlha 2 yoo e lego leloko la-
a peakanyo ya phenšene yeo e ngwadišitšwego go ya ka Molao wa Matlotlo a Phenšene, 1956 Molao No. 24 wa 1956, o swanetše go šuthišetša go peakanyo ya phenšene yeo e hlomilwego ke Tirelo gomme tšhutišetšo ye bjalo e go ya ka karolo 14 ya Molao 24 wa 1956;
b Letlotlo la Phenšene la Badiredi ba Mmušo, le ka no-
i ba leloko le sa bonalego la Letlotlo le bjalo;
ii dula e le leloko la go bonala la Letlotlo le bjalo; goba iii ba leloko la peakanyo ya phenšene yeo e hlomilwego ke Tirelo.
Ka mabaka a Molao wa Lekgetho la Letseno, 1962 Molao No. 58 wa 1962, ga go phetolo ya mothwadi yeo e tšewago gore e diregile ge kgetho ya letlotlo la phenšene ya modiredi e fetoga go ya ka ntlha ye.
Thaetlele ye kopana
Molao wo o bitšwa Molao wa Bosetšhaba wa Tirelo ya Dilaporatori tša Maphelo woo o Fetotšwego, 2001.
